Shaqiri bombardohet me komente për Kosovën

Tifozët kosovarë po ëndërrojnë që Shaqiri të luajë për Përfaqësuesen e Kosovës, derisa vendimi përfundimtar pritet të merret në ditët në vazhdim

Xherdan Shaqiri së bashku me disa lojtarë të tjerë shqiptarë është kthyer në qendër të vëmendjes në ditët e fundit. Atyre po u kërkohet të luajnë për Kosovën, pasi kjo e fundit është pranuar me të drejta të plota në FIFA dhe UEFA, shkruan albinfo.ch.

Shaqiri nuk është duke i dhënë edhe aq siklet vetës për këtë gjë, por është duke u marrë më shumë me paraqitjet e tij për Stoke Cityn. Ai ka postuar një foto ku shihet duke iu falënderuar Zotit për golin që shënoi në fundjavë.

Por, në këtë foto janë postuar qindra komenteve, ku 90 % janë nga Kosova, duke kërkuar që ai të vendos për Kosovën. Tifozët kosovarë po ëndërrojnë që Shaqiri të luajë për Përfaqësuesen e Kosovës, derisa vendimi përfundimtar pritet të merret në ditët në vazhdim.

Milot Rashica, Alban Meha, Herolind Shala dhe Sinan Bytyqi kanë pranuar të luajnë për Kosovën.