Ylli i përfaqësueses së Kosovës nënshkruan me ekipin gjerman

Mbrojtësi i  djathtë i përfaqësueses së Kosovës, Fanol Perdedaj, largohet nga FSV Frankfurt dhe i bashkohet skuadrës tjetër gjermane të Bundesliga II, Munich 1860. Ai ka nënshkruar një kontratë 3-vjeçare.

Lajmin për kalimin e tij tek skuadra tjetër gjermane e konfirmon për albinfo.ch edhe babai i tij, Shtjefën Përdedaj.

“Fanoli ka nënshkruar kontratë 3-vjeçare me TSV 1860 Munih. Ai është vetëm 25- vjeçar dhe ende ka kohë të tregojë edhe më shumë për talentin e tij futbollistik”, thotë Përdedaj.

Sipas Shtjefnit, djali i tij, Fanoli, i cili njihet me nofkën “Gatuso”, është i gatshëm për të mbrojtur ngjyrat e përfaqësues së Kosovës në garat kualifikuese për kampionatin botëror.

Në faqen zyrtare të klubit shkruhet për karrierën e futbollistit shqiptar dhe për debutimin e tij në takimin zyrtar miqësor ndaj Haitit, ku  Kosova luajti baras 0:0.