Aliji, i lumtur që është pjesë e Kaiserslauternit

“Dëshiroja një aventurë të re në karrierën time dhe kalimi te Kaiserslauterni ka qenë ai i duhuri”, theksoi Naser Aliji

Naser Aliji është i lumtur për zgjedhjen e tij. Kalimi te Kaiserslautern gjatë kësaj vere mund t’i japë një tjetër rrjedhë karrierës së mbrojtësit të kombëtares shqiptare, shkruan albinfo.ch.

22-vjeçari në një intervistë për kanalin zyrtar të klubit është shfaqur shumë optimist për aventurën e tij të re. Aliji shpreson që në këtë sezon ai dhe Kaiserslauterni të sigurojnë ngjitjen në Bundesligën e parë.

Për të firmosur një kontratë tre vjeçare me Kaiserslauternin, kuqeziu la përfundimisht Baselin, por Aliji kurrsesi nuk pendohet për zgjedhjen e tij sepse pavarësisht pozitave në të cilat ndodhet klubi nga Fritz Ëalter Stadion është një emër i madh i futbollit gjerman që në të kaluarën ka fituar edhe Bundesligën.

“Dëshiroja një aventurë të re në karrierën time dhe kalimi te Kaiserslauterni ka qenë ai i duhuri”, theksoi Naser Aliji.