Tre fëmijë nisen për shërim në Zvicër

Tre fëmijë kosovarë, që kanë probleme me zemër janë nisur sot për shërim në Zvicër.  Shoqata Humanitare ”Nëna Terezë”, me seli në Zvicër, me anë të donacioneve të mbledhura, po e vazhdon punën e saj, duke ndihmuar fëmijët që vuajnë nga sëmundjet e zemrës.

Koordinatorja e kësaj shoqate, Shukrie Ramadani ka thënë për RTK-në se, falë donacioneve të mbledhura, kryesisht nga koncertet humanitare, por edhe ndihmës që kanë pasur nga ndërmarrjet e ndryshme, është bërë e mundshme mbledhja e fondeve, që u dedikohen shërimit të fëmijëve që kanë nevojë për ndërhyrje të menjëhershme në zemër.

Gjatë një viti kjo shoqatë dërgon deri në 15 fëmijë për shërim në Zvicër.