Prokuroria e Shqipërisë hedh poshtë akuzat e Martyt

Prokuroria e Përgjithshme e Shqipërisë ka hedhur poshtë akuzat e raportuesit të Këshillit të Evropës, Dick Marty, njoftojnë mediet nga Tirana. “Akuzat në raportin e Dick Marty, se në Shqipëri janë kryer transplantime organesh, janë të dhëna për të cilat prokuroria e Shqipërisë nuk ka pasur asnjë dijeni dhe nuk ka pasur kërkesë për hetim nga asnjë organ ndërkombëtar”, tha prokuroria shqiptare duke hedhur poshtë edhe akuzat e ish-prokurores Carla del Ponte, se Shqipëria ka penguar hetimet e Hagës mbi këtë çështje.

“Pas njohjes me projektrezolutën dhe të drejtën e lirive të njeriut të Këshillit të Evropës dhe pasi shqyrtuam deklaratat dhe akuzat për trafik të organeve të ushtarëve serbë konstatuam se janë të vjetruara”, tha Prokuroria e Përgjithshme e Shqipërisë.