Premtimi i Pacollit: Shumë shpejt kosovarët do të lëvizin pa viza

Është e padrejtë dhe jo fer, që jemi të vetmit nga vendet e Ballkanit Perëndimor, që nuk e gëzojmë këtë të drejtë dhe mbahemi për kohë kaq shumë të gjatë të izoluar

Kryediplomati kosovar, Behgjet Pacolli, është takuar në Bruksel me raportuesen për liberalizimin e vizave për Kosovën, Tanja Fajon, transmeton albinfo.ch . Pas takimit Pacolli, ka thënë se brenda një kohe të shkurtët qytetarët e Kosovës do të mund të lëvizin pa viza në zonën Shengen.  

“Takova Raportuesen për Liberalizimin e Vizave për Kosovë, znj Tanja Fajon. Ishte një takim shumë i ngrohtë dhe miqësor. Presim, që brenda një kohe të shkurtër qytetarët e Kosovës më në fund do të mund të lëvizin pa viza në Zonën Shengen. Është e padrejtë dhe jo fer, që jemi të vetmit nga vendet e Ballkanit Perëndimor, që nuk e gëzojmë këtë të drejtë dhe mbahemi për kohë kaq shumë të gjatë të izoluar”, shkruan Pacolli në Facebook.