Koronavirusi: çast pas çasti

Plani i BE-së me certifikatat e vaksinës, ja kur fillojnë

Sipas autoriteteve, certifikatat dixhitale të gjelbra të BE mund të jenë tërësisht operuese deri në fund të qershorit

Bashkimi Evropian do të nisë testimin e sistemit të certifikatës së vaksinës në fillim të Majit, me synim që të jetë tërësisht në operim nga 30 Qershori, sipas autoriteteve.

Megjithatë, ligji mund të mos jetë plotësisht i përfunduar deri më atëherë, çka nënkupton se prezantimi i tyre mund të vonohet.

Parlamenti Evropian mbështeti gjerësisht  planet e Komisionit për një certifikatë të vaksinës këtë Javë, duke lejuar që të nisin negociatat me vendet anëtare të bllokut për detajet përfundimtare.

Shtetet do të duhet të zhvillojnë aplikacionet e veta kombëtare, si për përdoruesit edhe për autoritetet që verifikojnë certifikatat, bazuar në standarde teknike të rëna dakord nga ekspertët.

Këto aplikacione do të lidhen më vonë nëpërmjet një “porte”, që lejon verifikimin e certifikatave nga shtete të ndryshme, transmeton Scan, pwrcjell albinfo.ch.

Testimi me disa vende anëtare, përfshirë Francën, Holandën, Gjermaninë, Kroacinë e të tjera, do të nisë më 10 Maj dhe BE synon të krijojë “portën” ndërshtetërore nga 1 Qershori.

Sipas autoriteteve, certifikatat dixhitale të gjelbra të BE mund të jenë tërësisht operuese deri më 30 Qershor.


LAJME INTERESANTE NGA INTERNETI