Pëson nga zjarri teqeja “Arabati Baba” në Tetovë

Teqeja e famshme e Tetovës “Arabati Baba” dje ka pësuar djegie të pjesërishme, pasi që në një nga dhomat e saj ka shpërthyer zjarri, njofton portali “Koha”.

Sipas prijësit bektashian, Baba Edmond Ademi, zjarri është pjesë e një skenari të qëllimshëm. “Ne kemi dyshime për vendosjen e qëllimshme të zjarrit, pasi që në atë dhomë nuk ka pasur ndonjë qiri apo diçka tjetër që mund të shkaktonte zjarrin. Janë shkaktuar dëme, pasi janë djegur faltorja, mejdani dhe gjësende të tjera me vlerë të teqesë”, thuhet të ketë thënë Baba Edmond Ademi.

Ndaj kësaj ngjarjeje ka reaguar po ashtu edhe lëvizja qytetare “Zgjohu”, e cila ka kërkuar vënien në mbrojtje si dhe regjistrimin e menjëhershëm të komunitetit bektashian si dhe pronës së tyre.