Paguan 10.000 franga për një gotë uiski “140 vjeçar” dhe “digjet”

ndërkohë një ekspertizë e bërë nga hulumtuesit e Universitetit të Oksfordit ka konstatuar se uiski në fjalë, i vitit të prodhimit 1878 në fakt nuk ishte as përafërsisht kaq i vjetër,...

Një turist kinez kishte paguar në një hotel të Zvicrës, uiskin më të shtrenjtë në botë. Një gotë e kësaj pijeje (Whisky Macallan) për të cilën shitësi kishte thënë se ishte e vjetër 140 vjet, kishte kushtuar 9 mijë e 999 franga ose rreth 8600 euro, shkruan 20minuten.ch.

Në hotelin “Waldhof” të St. Moritz-it në Zvicër, shishen në të cilën ruhej ky uiski kanë thënë se ajo nuk shitej, sepse ruhej si ekzemplari i fundit i mbetur pa u hapur nga viti 1878, kur është prodhuar

Por, ndërkohë një ekspertizë e bërë nga hulumtuesit e Universitetit të Oksfordit ka konstatuar se uiski në fjalë, i vitit të prodhimit 1878 në fakt nuk ishte as përafërsisht kaq i vjetër, transmeton albinfo.ch. Provat laboratorike kanë dëshmuar “95 për qind” se ky ekzemplar i pijes së njohur skoceze është prodhuar në mes vitit 1970 dhe 1972.

Pra bëhet fjalë për një “blended Scotch” ndërsa viti i shënuar në etiketë ishte një falsifikim.