Pagat minimale në Evropë, hendeku i të ardhurave mes Lindjes dhe Perëndimit

Pagat minimale në vendet e Bashkimit Evropian (BE) tregojnë hendekun e të ardhurave dhe standardin e jetesës mes Lindjes e Perëndimit.

Pagat minimale fikse janë në dispozicion në 22 nga 28 shtetet anëtare të BE-së më 1 janar 2018. Brenda BE-së vetëm Danimarka, Italia, Qiproja, Austria, Finlanda dhe Suedia nuk kanë patjetër paga minimale, thotë “Eurostat”, shkruan albinfo.ch.
Shuma minimale mujore është zakonisht më pak se 500 euro në Evropën Lindore dhe më shumë se 1,000 euro në Evropën Veriore dhe Perëndimore.

Paga më e ulët bruto në BE në janar 2018 është në Bullgari (261 euro). Në nëntë vende, edhe nga Evropa Lindore, paga minimale është në mes të 400 dhe 500 euro në muaj: Lituani (400 euro), Rumani (408 euro), Letoni (430 euro), Hungaria (445 euro), Kroacia (462 euro) Republika Çeke (478 euro), Sllovakia (480 euro), Estonia (500 euro) dhe Polonia (503 euro).

Në pesë vende të Evropës Jugore paga minimale figuron në mes të 600 dhe 900 euro në muaj: Portugali (677 euro), Greqia (684 euro), Malta (748 EUR), Sllovenia (843 euro) dhe Spanja (859 euro).

Në shtatë vende të mbetura të, të gjitha në Evropën Perëndimore dhe Veriore, paga minimale tejkalon 1.400 euro në muaj: Britanina e Madhe (1,401 euro), Gjermania dhe Franca ( 1.498 euro), Belgjika (1,563 euro), Holanda (1.578 euro) , Irlanda (1,614 euro) dhe Luksemburgu (1,999 euro).