Kuriozitete
“Nissan” prezanton papuçet vetëlëvizëse
Në Japoni, ku traditat e vjetra vazhdimisht rifreskohen me teknologji të re, një hotel është duke përdorur teknologjinë e fundit për t’i ofruar mikpritjen më të mirë klientëve të vet.
Ata kanë prezantuar produktet më të reja teknologjike, përkatësisht papuçet vetëlëvizëse nga kompania “Nissan”, përcjell albinfo.ch.
“Nissan” ka zhvilluar një sistem që papuçet të parkohen automatikisht në hyrjen e restorantit tradicional. Me shtypjen e butonit të vetëm, papuçet janë të gatshme për t’u përdorur, derisa më pas mund të kthehen përsëri në vendin e vet.
Secila papuçe është e pajisur me dy rrota të vogla, një motor dhe censorë për të lëvizur në të gjithë dyshemenë prej druri, duke përdorur teknologjinë “Nissan’s ProPilot Park” .
“Nissan” e përdor këtë teknologji në versionin më të fundit të automjetit të vet. Censorët dhe kamera e teknologjisë së fundit, ia mundësojnë automjetit të gjejë dhe të kthehet në vende të parkimit pa ndihmën e shoferit.
Një version i thjeshtuar i teknologjisë është instaluar në restorant, që ndodhet në qytetin turistik Hakone, rreth 75 kilometra në jugperëndim të Tokios.
Dhe, nuk janë vetëm papuçet që lëvizin nëpër dyshemenë e hotelit. Në restorant mund të shihen jastëkë dhe tavolina tradicionale të ulëta që gjithashtu rrotullohen në vend.
Shumë prej markave më të mira të automjeteve në botë, po zhvillojnë teknologji vetëlëvizëse. E, “Nissan” ka në plan të tregtojë një automjet që mund të lëvizë i vetëm në rrugët e qytetit deri në vitin 2020.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?