Kuriozitete

Në ditën e fundit të punës vishet si Spiderman

E enjte, 31 Janar 2019 - 13:20 albinfo.ch

Në ditën e tij të fundit në vendin e punës një punonjës ka vendosur të paraqitet i veshur si Spiderman.

Ngjarja ndodhi në San Paolo në Brazil, ku një punëtor shkoi në zyre i veshur si Spiderman që befasoi të gjithë dhe arriti të bëhet lajm. Nuk dihet identiteti i këtij nëpunësi të bankës, i kthyer në një ‘super hero’ për rrjetet sociale që kur fotot dhe pamjet e tij nisën të qarkullojnë në internet, përcjell albinfo.ch

Kolegët kanë vlerësuar xhestin e tij, duke buzëqeshur të kënaqur. Për të mos lënë shije të hidhur, Spiderman-i i improvizuar ka shpërndarë karamele për kolegët gjatë kohës që po largohej.