Kuriozitete
Michelle Obama nuk i ndjek vajzat në rrjete sociale
Michelle Obama ka treguar arysen pse nuk i ndjek vajzat në rrjete sociale

E ftuar nga Oprah Winfrey, ish-zonja e parë e Amerikës ka folur pa filtra për jetën e saj: të shkuarën në Shtëpinë e Bardhë, angazhimet humanitare me bashkëshortin e saj dhe punën me gjeneratën e ardhshme.
Gjatë bisedës ajo shpjegoi pse ka zgjedhur të mos i ndjekë vajzat e saj në mediat sociale. Malia dhe Sasha Obama u larguan nga shtëpia dhe u transferuan në kolegj: Malia aktualisht ndjek Universitetin e Harvardit, ndërsa Sasha së fundmi u regjistrua në Universitetin e Miçiganit, përcjell albinfo.ch.
Dhe, në vend që të kontrollonte çdo hap të vajzave të saj në mediat sociale tani që janë larg shtëpisë, Michelle është mbështetur tek miqtë e familjes në moshën e vajzave e të saj, të cilëve ajo u ka kërkuar ‘fshehurazi’ t’i kenë nën vëmendje.
“Është më mirë të kontrollohen nga dikush që është më i ri se unë”, tha ajo duke qeshur.
Ish-zonja e parë ka vendosur të ndajë me publikun një nga këshillat që u jep më shpesh të bijave, që qëndron në bazën e vendimit për të mos ndjekur ato në mënyrë aktive në rrjetet sociale: ajo gjithmonë i inkurajon ato ta jetojnë jetën në pavarësi të plotë dhe të mos ndikohen nga ajo që mendojnë të tjerët për ta, përfshirë edhe atë e të atin, Barack Obama.
“Nuk mund të definojnë veten në bazë të të tjerëve ose duke më parë mua dhe të atin. Duhet të marrin kohë për të njohur veten, për të kuptuar kush duan të jenë në këtë botë, të mos mendojnë se çfarë dua unë për të apo se çfarë thotë bota për to. Duhet të mendojnë vërtet se si duan ta modelojnë jetën e tyre”.
Të ngjashme
Të tjera nga Kuriozitete
E-Diaspora
-
“Gratë gjatë dhe pas luftës”, ekspozitë në Universitetin e Gjenevës Më 6 mars, në Universitetin e Gjenevës (Hall d’Unimail), do të mbahet një ekspozitë e veçantë...
-
Wil (SG): Kapet një shqiptar me 5 kilogramë heroinë
-
Takim letrar me autoren Fatmire Sopa
-
Salzburg: Shoqata “Naim Frashëri” feston 17-vjetorin e Pavarësisë së Kosovës
-
12 kompani nga Kosova prezantohen në panairin “Gulfood” në Dubai
Jeta në Austri
-
Austri: Arrestohet 14-vjeçari i dyshuar për planifikimin e një sulmi terrorist në Vjenë Autoritetet austriake kanë arrestuar një 14-vjeçar të dyshuar në lidhje me një sulm të parandaluar në...
-
Rritja e natyralizimeve: Kush janë shtetasit e rinj austriakë?
-
Austri: Ekipet pjesëmarrëse në turneun e organizuar për Pavaësinë e Kosovës
-
A mund të paguajnë ligjërisht restorantet austriake shtesë për pagesat me kartë?
-
Rrjeti i Bizneseve Shqiptare në Austri organizon mbrëmje për 17-vjetorin e Pavarësisë së Kosovës