Muzikë
Mësuesi që donte të shuante ëndrrat e Gjon’s Tears
Artisti i talentuar ka treguar se nëse nuk do të ishte pjesë e muzikës, ai do të ishte me patjetër pjesë e arsimit.
Këngëtari zviceran me prejardhje shqiptare, Gjon Muharremaj, i njohur me emrin skenik si – Gjon’s Tears, ka shpalosur disa detaje interesante dhe emocionuese rreth jetës së tij të tashme, por edhe periudhës së të kaluarës.
Gjoni, i cili përfaqësoi Zvicrën në “Eurovision-in” e sivjetmë, ku edhe u pozicionua në vendin e 3-të, ishte i ftuar në emisionin “Soiree” të Jonida Shehut, teksa ka rrëfyer se në listën e tij kishte edhe plane të tjera nëse në sferën e muzikës nuk do të tregohej i suksesshëm.
Artisti i talentuar ka treguar se nëse nuk do të ishte pjesë e muzikës, ai do të ishte me patjetër pjesë e arsimit.
“Kishte një plan B që ishte arsimi. Unë doja që të bëhesha mësues i frëngjishtes, sepse më pëlqen shumë literatura franceze, ose dhe mësues muzike në shkollë, por jo në shkollë muzike”, tha ai, përcjell Albinfo.ch.
Tutje, Gjoni ka folur edhe rreth asaj se si një nga mësuesit e tij e kishte demotivuar për të nisur rrugëtimin drejt ëndrrës artistike.
“Unë kam pasur një mësues shumë të keq dhe i kam thënë atëherë vetes që unë do të bëhem mësues dhe do t’u tregoj njerëzve që arsimi nuk është i prishur, por ka dhe njerëz të mirë. Ai ishte një mësues i pakuptueshëm. Një gabim të vogël bëja unë matematikë, dhe isha skandal, ma hidhte të gjithë punën poshtë. Ai më kishte thënë që nuk do të isha i arrirë në jetën time, se isha shumë keq në matematikë dhe tani mund ta shikojë që më në fund ia dola edhe pa matematikën”, tregoi ai.
Ndryshe, Gjon’s Tears kohët e fundit ka qenë në Shqipëri, teksa është parë edhe në natën finale të festivalit “Kënga Magjike”, ku ishte nën shoqërinë e këngëtares shqiptare, Anxhela Peristeri, e cila po ashtu ishte pjesë e “Eurovision Song Contest 2021”.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Austri
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa Pas ndalesës prej më shumë se 12 orëve në kufijtë e Serbisë, linjat e autobusëve nga...
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri
-
Ambasada e Kosovës në Vjenë uron festën e Fitër Bajramit