Kurti uron Donjeta Sadikun për medaljen e artë: Sukses i madh për Kosovën

Kryeministri në detyrë i Kosovës, Albin Kurti, ka uruar boksieren Donjeta Sadiku për fitimin e medaljes së artë në Lojërat Mesdhetare “Taranto 2026”, duke e cilësuar suksesin e saj si një arritje të madhe për sportin e Kosovës.

“Sapo morëm një lajm të jashtëzakonshëm nga Lojërat Mesdhetare ‘Taranto 2026’. Boksierja jonë, Donjeta Sadiku, ka siguruar medaljen e parë të artë për Kosovën në Lojërat Mesdhetare që po mbahen në Taranto të Italisë”, ka shkruar Kurti.

Ai ka bërë të ditur se Sadiku triumfoi në finale ndaj Kristina Kuluhovan, e cila garoi për Serbinë.

“Ky është një sukses i madh për Donjetën, për ekipin tonë që ndodhet në Taranto, për boksin dhe për gjithë sportin e Kosovës”, ka shkruar Kurti.

Në fund, Kurti ka uruar Sadikun dhe trajneren e saj, Mariola Sallauka, për fitoren.

“Donjetës dhe trajneres Mariola Sallauka urime për këtë fitore të madhe!”, ka përfunduar Kurti.