Lajme
LSDM-BDI-Aleanca, afër formimit të koalicionit qeverisës?
Medet shqiptare raportojnë se LSDM-BDI dhe Aleanca për Shqiptarët, janë afër marrëveshjes për koalicion qeveritar. Bashkërisht të tri partitë, kanë 62 deputetë në Kuvendin e Maqedonisë
Takimet e shpeshta ndërmjet Lëvizjes Social Demokratike të Maqedonisë (LSDM) që drejtohet nga Zoran Zaev dhe Bashkimit Demokratik për Integrim (BDI) të Ali Ahmetit, duket se kanë dhënë rezultate të prekshme. Medet shqiptare raportojnë se këto dy parti dhe Aleanca për Shqiptarët me tre deputetët e saj, janë afër marrëveshjes për koalicion qeveritar.
Siç raporton Portali Albeu, bisedimet po vazhdojnë ndërsa mosmarrëveshjet kryesore ka të bëjë me insistimin e BDI për zyrtarizimit e gjuhës shqipe, për të cilën LSDM po këmbëngul që të mos bëhet në nivel republikan por lokal. Një pikë tjetër ku ekzistojnë mosmarrëveshje është edhe mënyra e bërjes së koalicionit.
LSDM insiston që të merren vesh mbi parimet dhe pasi të formohet qeveria të flitet për detajet dhe të bëhen ndryshimet ligjore, ndërkohë që BDI këmbëngul që të gjitha ndryshimet të bëhen që në fillim, në momentin e krijimit të koalicionit për të mos lënë derë të hapur për mosrealizim të premtimeve.
Mbetet të shihet në ditët në vazhdim se si do të përfundojë edhe ky skenar i mundshëm.
Nënkryetarja e BDI-së, Teuta Arifi, pas një takimi që ka zhvilluar me përfaqësuesit e LSDM-së, tha se partia e saj nuk lëshon pe sa i përket gjuhës shqipe, reformave në gjyqësor ku përfshihet edhe Prokuroria Speciale, Raportin e Pribesë si dhe eurointegrimeve.
“Për ne ajo që është shumë e rëndësishme, vendosëm në tryezë prioritetet që lidhen me platformën e partive politike shqiptare dhe me pikat e panegociueshme të BDI-së; zyrtarizimi i plotë i gjuhës shqipe, realizimi i reformave të plota në drejtësi dhe integrimi i plotë i vendit në NATO dhe në BE”, tha Arisi, sipas të cilës, vendimet përfundimtare për koalicion do t’i sjellë kryesia e BDI-së në krye me kryetarin Ali Ahmeti.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj