E la Zvicrën për t’u kthyer dhe investuar në Kosovë

Kohën e fundit dëgjojmë shumë raste ku mërgimtarët shqiptarë janë duke u kthyer nga mërgimi për të investuar në vendlindjet e tyre, përcjell albinfo.ch.

Nijazi Musliu, shqiptari i cili ka jetuar prej 20 vjetësh në Zvicër, u rikthye në vendlindje, në Kosovë.

Ai është pronar i kompanisë së suksesshme “Eurometal”, me teknologji të fundit, e cila merret me përpunimin e llamarinës dhe konstruksioneve metalike duke kontribuar në këtë mënyrë për vendlindjen.

Ajo është një kompani prestigjioze që shërben dhe në tregun ndërkombëtar. Nijazi Musliu ka treguar në një intervistë me News-TV për jetën e tij në Zvicër dhe profesionet e ndryshme që ka ushtruar atje.

E kishte lënë jetën e mirë në Zvicër për t’u kthyer dhe investuar në vendlindje, në Kosovën të cilën i kishte dashur dhe e do më së shumti në botë. Ky është Nijazi Musliu nga fshati Tërn (Trim) i Ferizajit të Kosovës. /Albinfo.ch

LAJME INTERESANTE NGA INTERNETI