Kosova u vë viza shtetasve të huaj

Kjo është edhe kërkesë e Komisionit Evropian për Kosovën. Ende nuk dihen vendet për të cilat vihen vizat

Qeveria e re e Kosovës e ka miratuar vendimn për krijimin e një grupi punues për vendosjen e regjimit të vizave për udhëtim të shtetasve të huaj në Kosovë.

Kjo është edhe një nga kërkesat e Komisionit Evropian për Kosovën. Por, nuk dihet se për cilat vende do të vlejë aplikimi i regjimit të vizave.

Grupi punues do të analizojë situatën dhe shtetet me të cilat do të vendoset regjimi i vizave dhe që do të jetë edhe në përputhje edhe me kriteret e vendeve të BE-së.

Po ashtu Qeveria e Kosovës ka bërë rikategorizimin e pikës së kalimit kufitar me Republikën e Maqedonisë, në Stanqiq, nga vendkalim lokal në vendkalim ndërkombëtar.  Ndërtimi i kësaj pike do të financohet nga fondet e Instrumenteve të Paraanëtarësimit në BE.