Kuriozitete
Koha para ekranit nuk çrregullon gjumin tek fëmijët
Ekranet janë shndërruar në një element shoqërues i përditshmërisë së fëmijëve, ndërsa trendet e rritjes së kohës të cilën fëmijët e kalojnë para ekraneve të pajisjeve elektronike, janë bërë një shqetësim i përhershëm i prindërve dhe krijuesve të politikave.
Studimet e publikuara më parë thoshin se 50 deri në 90 për qind të fëmijëve të moshës shkollore nuk mund të kenë gjumë të mjaftueshëm, duke hedhur fajin te përdorimi i teknologjive, megjithatë, gjetjet e reja të hulumtimit nga “Oxford Internet Institute”, i cili vepron në kuadër të Universitetit të Oxfordit, flasin se koha e kaluar para ekranit të pajisjeve dixhitale ka shumë pak efekt praktik mbi gjumin e fëmijëve.
Studimi në fjalë është zbatuar duke përdorur të dhëna nga sondazhi i vitit 2016, i bërë në Amerikë mbi shëndetin e fëmijëve, ku prindërit kanë shkruar për veten, fëmijët e tyre dhe familjen.
“Gjetjet flasin se marrëdhënia mes gjumit dhe ekranit të përdorur nga fëmijët është jashtëzakonisht modeste”, shkruan profesori Andreë Przybylski, autor i studimit të botuar në Journal of Pediatrics.
“Çdo orë e kaluar para ekranit është lidhur me 3 deri në 8 minuta më pak gjumë natën”, shkruan më tej. Siç sqaron profesori Przybylski, ndërsa ekziston një lidhje ndërmjet kohës para ekranit dhe gjumit të një fëmije, ajo mund të jetë shumë e vogël që të bëjë një ndryshim në çrregullimin e gjumit të një fëmije.
“Për shembull, kur krahasoni gjumin mesatar të një të riu i cili nuk përdorë teknologjitë ( 8 orë e 51 minuta) me gjumin e një adoleshenti i cili kalon 8 orë para ekranit (në 8 orë e 21 minuta), vëreni se dallimi është i parëndësishëm. Faktorët tjerë të njohur, siç janë fillimi i shkollës herët në mëngjes, kanë një efekt më të madh mbi gjumin e fëmijës”, thuhet në studimin e Universitetit të Oxfordit. Studimi në fjalë është zbatuar për të dhënë përgjigje ndaj shqetësimeve të prindërve se fëmijët i marrin pajisjet në shtrat dhe vazhdojnë t’i përdorin kur në kohën duhet të flenë.
Të ngjashme
Të tjera nga Kuriozitete
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte