Lajme
Kanë sjellë virusin nga Kosova në Austri, kjo mund t`u kushtojë 1450 euro për person
"Shkeljet e dispozitave janë të dënueshme sipas Nenit 40 (1) të Ligjit të Epidemive, gjoba maksimale është 1450 euro"
Hyrja e pakontrolluar nga Kosova në Austri, javën e kaluar, mund të ketë pasoja ligjore për një grup pasagjerësh të autobusit.
Siç është raportuar në të gjitha mediat (edhe në albinfo.at) pas pushimeve të Pashkëve, 34 pasagjerë shkaktuan një shpërthim ndërregjional virusi pasi u zbuluan 18 raste pozitive me koronë, që ata kishin sjellë me vete nga Kosova në Austrinë e Epërme, shkruan krone.at.
Për rastet si ky, rregulloret e koronës janë të qarta: Kushdo që hyn në Austri nga jashtë, me rastin e kontrolleve të rastësishme në kufi duhet të paraqesë dokumentet sa më poshtë: një regjistrim elektronik, të kryer të paktën 72 orë përpara, dhe një certifikatë mjekësore ose një rezultat negativ të testit, trasnmeton albinfo.at.
Pas hyrjes në vend parashihet një karantinë dhjetë-ditore, nga e cila, personi i prekur mund të “lirohet” më shpejt, në ditën e pestë, në rast se paraqet rezultat negativ të testit të ri.
Të gjitha këto dispozita me sa duket i injoruan 34 pasagjerët e një autobusi nga Kosova. Familjet kosovare me qëndrim në Austri ishin atje për vizitë gjatë festës së Pashkëve dhe me rastin e kthimit në Austrinë e Epërme shkaktuan një vatër korone me 18 raste, sa janë të njohura deri më tani.
Por cilat janë pasojat ligjore për pasagjerët? Pyetjes së gazetës “Krone”, ekipi i krizës i shtetit të Austrisë së Epërme i është përgjigjur: “Shkeljet e dispozitave janë të dënueshme sipas Nenit 40 (1) të Ligjit të Epidemive, gjoba maksimale është 1450 euro, përcjell albinfo.at. Si rezultat, do të ketë dënime nëse vërtetohet në procedurat penale administrative të kryera nga autoritetet se hyrja në Austri është bërë pa u përmbushur kushtet e specifikuara. “
E-Diaspora
-
Kurti takon deputetin shqiptar të Parlamentit të Zvicrës Mësohet se kryeministri i Republikës së Kosovës, Albin Kurti, ka pritur në takim deputetin e Këshillit...
-
Kori i Filharmonisë së Kosovës do të përformojë me një program të mrekullueshëm në Itali
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
Jeta në Austri
-
Kurti: Nuk ka propozime që pranohen e që janë në kundërshtim me Rregulloren e BQK-së Të gjitha problemet, të cilat mund t’i kenë qytetarët serbë, ne do t’i adresojmë me shpejtësi,...
-
Lukas Mandl fton shqiptarët në një tubim madhështor në Baden të Austrisë
-
Si planifikon Austria të shkurtojë kohën që duhet për të marrë një leje pune?
-
Veturat e përdorura në Austri, të mbifaturuara
-
A janë më të shtrenjta për të huajt tarifat për universitetet austriake?