Gjithnjë e më pak të papunë në Zvicër

Përqindja e të papunëve ka shënuar rënie sërish në muajin prill në Zvicër

Sekretariati i Shtetit për Çështje Ekonomike (SECO) deklaron për rënie të numrit të të papunëve në Zvicër. Sipas SECO numri i të papunëve ka rënë nga 3.2 për qind nga muaji mars, në 3.1 për qind në muajin prill.

Në dy muajt e parë të vitit përqindja e të papunëve ishte në shkallën prej 3.4 për qind.

Për shkak të efektit sezonal përqindja e të papunëve është ulur sërish në prill, thonë në SECO.

Në fund të prilli, siç thuhet, janë regjistruar 135 851 persona si të papunë. Mirëpo krahasuar me të njëjtën periudhë të vitit të kaluar, numri i personave të papunë është 10.3 për qind më i lartë.

Në prill 2012 ishte vetëm 2.8 për qind shkalla e papunësisë në Zvicër.

“Situata në tregun e punës reflekton pozicionin e mirë ekonomik të Zvicrës.  Ne jemi zhvilluar stabil, por vërehen shenjat nga pasiguria për shkak të krizës në vendet fqinje”, deklaron Oliver Schärli nga SECO.

Në Evropë janë më së shumti të të rinjtë të prekur nga papunësia. Në Zvicër, në prill janë regjistruar si të papunë rreth 17.800 të rinj në mes 15 dhe 24 vjeç.

Shkalla e papunësisë së të rinjve është regjistruar të jetë  3.2 për qind, pak më e ulët se në muajin mars.

Ekspertët e ekonomisë në SECO parashikojnë  rritjen e papunësisë në mesin e të rinjve gjatë muajve të verës. Në të njëjtën kohë, qendrat rajonale të punësimit në Zvicër (RAV) kanë raportuar 16 135 vende të lira pune.