Fotot më të mira për shtyp në Muzeun Kombëtar të Cyrihut

Fotografi i vitit është zgjedhur Lorent Gilliéron për serinë e tij në lidhje me aksidentin në Sierre.

Fotot më të mira të medieve të vitit 2012 janë paraqitur të premten në Muzeun Kombëtar të Cyrihut (Zvicër), si pjesë e ekspozitës “Swiss Press Photo 13”. Fotografi i vitit është Lorent Gilliéron për serinë e tij në lidhje me aksidentin në Sierre.

Një total prej 173 fotografëve i kanë dorëzuar 2.825 fotografi jurisë ndërkombëtare. Përafërsisht 90 fotografi janë vendosur në Muzeun Kombëtar në Cyrih deri më 30 qershor, bëri të ditur të  enjten institucioni në fjalë.

I zgjedhur fotograf i vitit, sikur edhe në vitin 2005,  Laurent Gilliéron, gjithashtu fitoi çmimin e parë në kategorinë  “Aktualiteti”. Seria e tij e fotografive tregon në “mënyrë diskrete ditët e zisë pas aksidentit të tmerrshëm me autobus në Valais”.

Ujqit e rinj dhe të vetmuar

Çmimi i parë në kategorinë “Jeta e përditshme dhe mjedisi” i është dhënë  Steve Luncker për fotot e tij në lidhje me një “rini alkoolike e humbur”. Daniel Tischler fitoi çmimin e parë në kategorinë e “People” për portretet e tij me “Ujqit e vetmuar”.

Michael Buholzer fitoi në kategorinë “Sport” për një foto të Roger Federer-it, ku ai përpiqej të largojë një grerëz gjatë një ndeshjeje. Çmimi i parë në kategorinë “Arti dhe kultura” i është dhënë Valerie Chételat për serinë e saj në një sallë baleti të braktisur.

Fituesi i kategorisë “Të huaj” është Dominic Nahr. Ai është shpërblyer për fotografitë e tij të konfliktit në Sudan dhe vuajtjet e popullit.

Pas Cyrihut, ekspozita do të paraqitet edhe në Lugano, Bernë  dhe Prangins (VD).