Feith: Zgjedhjet janë të rëndësishme për të ardhmen e Kosovës

Ndërkombëtarët u bënë thirrje politikanëve kosovarë që të qëndrojnë larg qendrave të votimit

Zgjedhje e 12 dhjetorit janë mjaft të rëndësishme për të ardhmen e Kosovës, ka thënë shefi i Zyrës Civile Ndërkombëtare (ICO) në Prishtinë, Pieter Feith, duke përshëndetur të dielën hapjen e procesit zgjedhor në Kosovë.

Edhe përfaqësuesit tjetër të institucioneve ndërkombëtare si dhe disa ambasadorë të vendeve perëndimore të akredituar në Prishtinë, u bënë thirrje politikanëve kosovarë që të qëndrojnë larg qendrave të votimit, në mënyrë që procesi zgjedhor të jetë i drejtë, fer dhe demokratik, raportojnë mediat kosovare.