Ekonomi
Euro rritet ndaj dollarit, kjo është arsyeja
Në rezervat valutore globale, pjesa e euros u rrit me 1.2 pikë përqindjeje në 20.7%, duke mbetur shumë mbrapa 61.7% të dollarit, një ulje historike për monedhën amerikane
Përdorimi global i monedhës euro u rrit nga fundi i vitit të kaluar, kryesisht nga paqëndrueshmëria e politikës amerikane dhe shqetësimeve rreth rritjes së normave të interesit të SHBA, bëri me dije Banka Qendrore Evropiane.
Kërkesa për euron, monedha e dytë më e përdorur në botë pas dollarit, ra në nivelin e saj më të ulët gjatë dekadës së fundit.
Luhatshmëria konfirmon shqetësimet rreth politikës së SHBA-së dhe rritjes së besimit për të ardhmen e Eurozonës, e cila i mbijetoi testit më të madh edhe gjatë krizës së borxhit të saj.
Pjesa e euros në rezervat globale të këmbimit valutor, lëshimin e borxhit, depozitat dhe kreditë e papaguara u rritën, ndërkohë që roli i saj si një monedhë faturimi mbeti gjerësisht e qëndrueshme, sipas të dhënave të BQE-së, transmeton ‘Scan’.
“Është kryesisht një diversifikim kundrejt dollarit, nga i cili euro përfiton”, tha në prezantimin e raportit Benoit Coeure, anëtar i bordit të BQE-së, duke shtuar se përparimi i dukshëm në reforma dhe rritja e prosperitetit edhe në periferinë e bllokut ka shtuar kërkesën për euron, përcjell albinfo.ch.
Në rezervat valutore globale, pjesa e euros u rrit me 1.2 pikë përqindjeje në 20.7%, duke mbetur shumë mbrapa 61.7% të dollarit, një ulje historike për monedhën amerikane.
Komisioni Evropian e ka kthyer në qëllim parësor t’i japë euros një rol më të madh, pjesërisht për të rritur ndikimin global të bllokut, por natyra e fragmentuar e zonës së monedhës së përbashkët e pengon këtë proces, thotë BQE. Sindikatat e bankave dhe të kapitalit të Eurozonës mbeten të paplota dhe gjithashtu kanë nevojë për një pasuri të sigurt, përpjekje që Gjermania ka penguar kryesisht nga shqetësimi për tatimpaguesit e saj, të cilët mund të përfundojnë si përgjegjës për papërgjegjshmërinë financiare diku tjetër.
Të ngjashme
Të tjera nga Ekonomi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?