EULEX-i filloi hetimet për raportin e Martyt

Misioni evropian i sundimit të ligjit në Kosovë, EULEX ka filluar hetimet lidhur me pretendimet e raportit të Dick Martyt për trafikimi organesh njerëzore në Kosovë të pjesëtarëve të ish-UÇK-së në Kosovës dhe Shqipëri gjatë vitit 1999. Këtë ia ka konfirmuar Radio Dukagjinit zëdhënësja e EULEX-it , Kristina Herodes. Sipas saj, për momentin, kanë shkëmbyer vetëm disa letra me raportuesin zviceran në Këshillin e Evropës, Dick Marty. “Pretendimet e raportit të Martyt do të marrin përgjigje. E për këtë tashmë veç është bërë hapi i parë. EULEX-i ka filluar hetimet e para lidhur me akuzat e Dick Martyt”, ka thënë Herodes Por, ajo nuk ka qenë në gjendje të tregojë se sa mund të zgjasin këto hetime. “Jemi duke folur për fillimet e para. Ky rast nuk është i hapur dhe informatat duhet të rruhen.  Ne po ashtu jemi duke pritur prova nga Dick Marty për të filluar me hetime më të detajuara, por për momentin këto janë vetëm hetime preliminare”, ka thënë zëdhënësja e misionit evropian të sundimit të ligjit në Kosovë.