Cilët ishin takimet e Ibrahim Rugovës me guerilët e UÇK-së?

Kontaktet sekrete të Rugovës me UÇK-në ishin në janar të vitit 1999 Kontaktet sekrete të Rugovës me UÇK-në ishin në janar të vitit 1999

Kanë kaluar gati dy dekada që nga përfundimi i luftës, dhe në opinionin kosovarë kishte pas mëdyshje nëse presidenti i ndjerë i Kosovës, Ibrahim Rugova që drejtonte Lidhjes Demokratike të Kosovës (LDK) kishte pasur kontakte me Shtabin e atëhershëm të Ushtrisë Çlirimtare të Kosovës (UÇK), apo dy taborët kishin vazhduar rrugën ndaras. Këto dilema mundohet t’i shtjellojë njëri nga protagonistët e asaj kohe Milazim Krasniqi.

Ky i fundit së fundi ka botuar edhe një libër nga ajo periudhë, më e vështira e historisë së re të Kosovës “sekretet që nuk i mori me vete Ibrahim Rugova”.

Sipas Krasniqit, presidenti Rugova për herë të parë kontaktet e drejtpërdrejta me UÇK-në i kishte pasur në janar të vitit 1999.

I deleguar i Rugovës te UÇK-ja ishte caktuar njëri prej themeluesve të LDK-së, Milazim Krasniqi. Në Shtabin e UÇK-së, pos Krasniqit, kishte shkuar edhe Faruk Spahiu dhe ishte ndërmjetësuar nga Qazim Thaçi, shkruan Express, transmeton albinfo.ch.

Zyrtarët e LDK-së i kishte pritur Shefi i Shtabit, Bislim Zyrapi. Këto janë disa prej ngjarjeve që përshkruhen në librin e shkrimtarit Milazim Krasniqi, i titulluar “Sekretet që nuk i mori me vete Ibrahim Rugova”.

“Unë e pranova propozimin, por i kërkova që me mua të vinte Faruk Spahija, i cili ishte anëtar i Kryesisë së LDK-së dhe një nga njerëzit, që edhe Rugova e konsideronte korrekt. Ai u pajtuar me propozimin tim dhe unë e organizova shkuarjen, me ndërmjetësimin e Qazim Thaçit, me logjistikën e Osman Qerretit (Komandant Çunit) dhe biseduam me Shefin e Shtabit Operativ të UÇK-së, Bislim Zyrapin, në Shtabin e tij në Berishë”, shkruan Krasniqi, në faqen 50 të librit.

Shkuarja e zyrtarëve të LDK-së në Shtabin e UÇK-së mbahej sekret edhe prej amerikanëve…