Certifikohet makina e parë fluturuese në botë

“Model A” është shpallur si makina e parë fluturuese e certifikuar në botë

E ardhmja e makinave fluturuese mund të jetë më afër se sa mendoni!

Makina fluturuese tërësisht elektrike, Model A, e Alef Aeronautics, me seli në Kaliforni, u miratua për Certifikim Special të Vlefshmërisë ajrore nga Administrata Federale e Aviacionit (FAA), për herë të parë në historinë amerikane.

Alef Aeronautics e themeluar në vitin 2015 po teston një prototip makine me madhësi normale që prej vitit 2019.

Alef ka mundur të testojë dhe prodhojë një makinë fluturuese falë financimeve të Tim Draper, një nga investitorët e parë të Tesla dhe Google, si dhe Draper Associates. Jim Dukhovny, CEO i kompanisë, shfaqi entuziazmin e tij pas marrjes së miratimit ligjor për Model A:

“Jemi entuziastë që marrim këtë certifikim nga FAA. Kjo na lejon t’i afrohemi mundësisë për të ofruar një transport më të shpejtë, duke respektuar mjedisin dhe duke u kursyer njerëzve dhe kompanive kohë çdo javë”. E projektuar nga Hirash Razaghi, Model A është në gjendje të kalojë nga përdorimi në rrugë në fluturim, falë aftësive të ngritjes dhe uljes vertikale.

Modeli A ofron një autonomi drejtimi 321 kilometra dhe rreze fluturimi, 177 kilometra. Model A do të prodhohet në modele me një ose dy pasagjerë dhe kompania synon të nisë prodhimin e tij në fund të vitit 2025.

Porositë kanë nisur dhe shumë individë tashmë janë në radhë për të blerë makinën fluturuese prej 300,000 dollarësh.

Ndërkohë po punohet edhe për Model Z, i cili duhet të prezantohet në vitin 2035. Model Z do të jetë një version më i madh i Model A, që mund të transportojë deri në 4 persona, me autonomi fluturimi 321 kilometra dhe autonomi drejtimi, 643 kilometra/ Electrek

 

---