Besimi në ekonominë gjermane, në nivel rekord

Besimi në ekonominë gjermane u rrit në një nivel të ri rekord pas optimizmit për të ardhmen e biznesit në Gjermani.

Indeksi i klimës së biznesit, i llogaritur nga instituti ekonomik gjerman “Ifo”, u rrit në një nivel rekord të ri prej 117.5 pikësh nga 116.8 pikë në tetor, sipas një njoftimi për shtyp të “Ifo”, përcjell albinfo.ch.

Ekonomia gjermane është në rrugën e duhur dhe të dhënat më të fundit sugjerojnë rritje ekonomike në tremujorin e katërt të 0.7 përqindëshit, që do të rrisë produktin e brendshëm bruto me 2.3 për qind në vitin 2017.

Indeksi i institutit “Ifo” llogaritet mbi bazën e një studimi që përfshin 7.000 kompani në fushën e prodhimit, ndërtimit, shitjes me shumicë dhe pakicë.