Bashkëjetesa nuk mund të barazohet me martesën

Nëse çiftet në konkubinat përfitonin nga të gjitha përparësitë që sjell kurora, kjo do të çonte në dobësimin e institucionit të martesës

Çiftet e pakurorëzuara nuk do të mund të barazohen me ato që kanë të lidhur kurorë në mes vete. Kështu ka vendosur me shumicë votash Dhoma e lartë (federale) e Parlamentit Nacional.

Këtë e ka bërë, me gjithë faktin se edhe ajo është pajtuar rreth nevojës për një revidim të të drejtës së trashëgimisë. Ndryshe ka vendosur dhoma e ulët, ajo e kantoneve.

Duke marrë vendimin konservativ, Dhoma e lartë ka votuar në frymën e qarqeve demokristiane dhe të djathta.

Kështu, deputetja nga CVP (Partia Kristiane Popullore) Viola Amherd ka thënë se “në rast se çiftet në konkubinat (bashkëjetesë pa kurorë) do të përfitonin nga të gjitha përparësitë që sjell martesa me kurorë, kjo do të çonte në dobësimin e institucionit të martesës.

Nga ana tjetër SVP ka kundërshtuar revizionin me arsyetimin se nuk shohin ndonjë nevojë veprimi në atë drejtim.