Ekonomi
Bankat po blejnë më shumë ari
Pavarësisht nga ‘oreksi’ i disa bankave qendrore, çmimi i arit ra me rreth 4 për qind gjatë këtij tremujori, duke zbritur në 1 200 dollarë për onz, për të goditur nivelin më të ulët që nga janari 2017
Bankat qendrore anembanë botës kanë rritur shpenzimet e tyre ar në nivelin më të lartë në gati tre vjet, sipas Këshillit Botëror të Arit.
Më shumë se 148 ton ari janë blerë nga bankat kombëtare gjatë tremujorit të tretë, një rritje prej 22 për qind krahasuar me po të njëjtën periudhë të një viti më parë.
Blerjet e arit nga ana e bankave shtuan deri në 5.82 miliardë dollarë shpenzimet për metalin e çmuar.
Banka qendrore e Rusisë udhëhoqi listën, duke blerë më shumë se 92 ton ar. Kjo shënoi edhe blerjen më të madhe tremujore të vendit në regjistrat që shtrihen që nga vitit 1993, transmeton ‘Scan’.
Në maj të këtij viti, guvernatori i parë i bankës qendrore ruse, Dimitri Tulin, u tha ligjvënësve në dhomën e ulët të parlamentit se ari ishte ‘një garanci nga rreziqet ligjore dhe politike’, përcjell albinfo.ch.
WGC, një shoqatë jofitimprurëse e prodhuesve kryesorë të arit në botë, tha se blerësit e tjerë të mëdhenj të metalit të verdhë ishin banka qendrore e Turqisë me 18.5 ton, Kazakistani me 13.4 ton dhe India me 13.7 ton.
Në Evropë, bankat kombëtare të Polonisë dhe Hungarisë gjithashtu rritën blerjet e arit. Sipas WGC, kjo e fundit është shprehur se blerja e arit është një mënyrë e mirë për të rritur stabilitetin afatgjatë të rezervave të saj. Ari konsiderohet shpesh si një mbrojtje ndaj çdo rënie vlere të dollarit amerikan.
Pavarësisht nga ‘oreksi’ i disa bankave qendrore, çmimi i arit ra me rreth 4 për qind gjatë këtij tremujori, duke zbritur në 1 200 dollarë për onz, për të goditur nivelin më të ulët që nga janari 2017.
Të dhënat e Këshillit treguan se shitja e fondeve të tregtuara me shkëmbim të arit në tremujorin e tretë rezultoi në shitjen e më shumë se 116 tonë të metaleve të çmuara.
Të ngjashme
Të tjera nga Ekonomi
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë