Autobusi vetëvozitës përplaset në ditën e parë në rrugë

Një autobus vetëvozitës në Las Vegas është përfshirë në një aksident në ditën e parë të shërbimit.

Autobusi që po bartte disa pasagjerë ishte përplasur me një kamion në shpejtësi shumë të vogël, shkruan BBC.

Askush nuk është lënduar nga ky aksident, në të cilin fajtor doli shoferi i kamionit, i cili u gjobit nga policia, transmeton Albinfo.ch.

Ky autobus ishte i pari që është përdorur ndonjëherë në rrugët publike në SHBA. Lloji i tillë i autobusit bart deri në 15 persona dhe ka shpejtësi maksimale prej 45 kilometrave për orë, por zakonisht udhëton me 25 kilometra për orë.

Përplasja vjen vetëm një ditë pasi kompania “Waymo” – që udhëhiqet nga “Alphabeti” që po ashtu udhëheq Google-in – njoftoi se do të lansojë taksinë tërësisht vetë-vozitëse në Arizona.