Australiania tërheq kamionin dhe veturën

Një grua australiane tërhoqi një kamion që mbante një makinë, ndërsa pesha totale arriti në më shumë se një ton.

Kësisoj, australiania Nardia Styles e ka thyer rekordin botëror të Guinessit, përcjell albinfo.ch.

Styles, një ish-vrapuese që më vonë u bë garuese në bodybuilding, u shpërblye nga Libri i Rekordeve Guinness. Kamionin, së bashku me veturën, ajo e tërhoqi në një distancë prej 100 metrave.

Nardia Styles e ka thyer rekordin e mëparshëm, të vendosur nga kanadezja Lia Grimanis më 2013.

“Trajnimi për rekord ishte një nga trajnimet më të vështira që kam bërë ndonjëherë,” tha Styles. Përmes këtij aktiviteti, u mblodhën para për organizatat bamirëse.