Ekonomi
Aeroporti “Adem Jashari”, ndër portat ajrore kryesore në Ballkan
Në periudhën janar-korrik 2019 tejkalohet aeroporti i Shkupit me mbi 38,000 udhëtarë. Ndërsa vetëm nesër, 18 gusht, janë 83 fluturime me rreth 11,000 udhëtarë.
Përkundër subvencioneve shumë të mëdha që Qeveria e Maqedonisë Veriore po bën për linjat ajrore dhe turizmin, Kosova, respektivisht aeroporti “Adem Jashari” në periudhën janar-korrik 2019 tejkalon aeroportin e Shkupit me 3%, ose me mbi 38,000 udhëtarë diferencë.
Gjatë shtatë muajve aeroporti i Prishtinës shërbeu 1,338,996 udhëtarë, gjersa ai i Shkupit 1,300,790 udhëtarë.
Duhet theksuar faktin se qytetarët e Maqedonisë Veriore për shumë vite gëzojnë të drejtën e udhëtimeve pa viza në zonën Shengen. Po ashtu, afërsia me Kosovën aeroportit të Shkupit i mundëson të gjenerojë mbi gjysmën e trafikut, gjithmonë si rrjedhojë e ofertave atraktive për fluturime, të mundësuara pikërisht nga subvencionet qeveritare.
Po vie koha që me patjetër në Kosovë të kemi mbështetje shumë më përmbajtësore për linjat ajrore të turizmin, kjo do të bënte që bashkatdhetarët tanë të kenë shërbime shumë më të përshtatshme e me kosto të ulët, mos të kemi situatën që për shkak të çmimeve të shfrytëzohet edhe aeroporti i Nishit.
Gjithashtu, një mbështetje e këtillë do të rriste numrin e vizitorëve të huaj në Kosovë e që impakti direkt e indirekt në të hyrat e gjeneruara për vendin do të ishte shumë i madh, përcjellur me shumë vende pune në industrinë e transportit ajror në Kosovë, në turizëm e në shërbime të tjera…
Me hapa të sigurt e me qasje racionale, meqë edhe ndërtuam autostradën një miliardëshe për Shkup, ne mund të mundësojmë që jo vetëm ata që sot udhëtojnë prej Shkupit apo prej Nishit, por të gjenerojmë edhe trafik shtesë sidomos nga mbi gjysma e Maqedonisë Veriore që është tërësisht Shqiptare, pra të gjithë ta shfrytëzojnë aeroportin “Adem Jashari” për udhëtime, e për periudhë të shkurtër të dyfishojmë, e pse jo edhe ta trefishojmë numrin e udhëtarëve./indeksonline
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë