U21 e Zvicrës fiton sërish me shqiptarë

KEYSTONE

Përfaqësuesja zvicerane U21 ka filluar me fitore ndeshjet kualifikuese të Kampionatit Evropian, Polonia 2017. Golin e vetëm e ka shënuar sulmuesi shqiptar, Shani Tarashaj, në minutën e 85-të, nga 11 metërshi.

Për Heinz Moser, pasardhës i Pierluigi Tami, kjo ishte loja e parë konkurruese e kombëtares zvicerane U21.

Në ndeshjet  kualifikuese në Kampionatin Evropian në Poloni 2017 kombëtarja e Zvicrës do të takohet në Biel me të rinjtë e Bosnjë e Hercegovinës më 8 tetor dhe me Norvegjinë, më 12 tetor. Në mes të nëntorit vjen ballafaqimi me Anglinë.

Si duket Tarashaj do ta zëvendësojë Shaqirin dhe ta sjellë trofenë për përfaqësuesen zvicerane U21.
Me Tarashajn luan edhe shqiptari tjetër, Florent Hadërgjonaj, i cili momentalisht është mbrojtës dhe pjesë e ekipit U21. Tarashaj është vetëm 20 vjet. Ai është i lindur në Cyrih. Prindërit e tij kanë prejardhje nga Kosova, nga Prizreni .
Karriera e tij vazhdon duke u ngjitur në lartësi. Ai luan në çdo përzgjedhje, gjithashtu edhe me përfaqësuesen zvicerane. Kuotat e shënimit të tij janë gjithmonë të shkëlqyera. Në dimër të vitit 2013 ai trajnohet për herë të parë nën urdhrat e trajnerit të GC-së, Ulli Forte​.