Stefan Henchoz kritikon Shaqirin: “Ne Stoke shkoi veç për para”

Ish-mbrojtësi i kombëtares zvicerane, Stefan Henchoz e quan të pakuptimtë transferimin e Xherdan Shaqirit në Stoke City

Transferimi i Xherdan Shaqirit në Stoke City po vazhdon të kritikohet më të madhe në Zvicër. I fundit është ish-mbrojtësi i kombëtares zvicerane dhe Liverpulit, Stefan Henchoz,  ku sipas tij, Shaqiri shkoi në premirë ligë vetëm për shkak të parave.

“Sigurt nuk shkoi atje, për shkak se Stoke ka ambicie të mëdha për të arritur në ligën e kampionëve, të cilit ekip kurrë nuk iu dha rasti në jetë.  Ai është atje vetëm për shkak të parave”, thotë ai për “Tages – Anzeiger”, transmeton “albinfo.ch”.

Për Henchoz ky ndryshim i tij është i pakuptimtë. “Ai atje do të marrë para të majme, të cilat nuk do t’i merrte askund tjetër. Kjo është e tëra”, ka qenë kritika e tij.

Në fakt, Xherdani falë kontratës së nënshkruar me Stoke, aktualisht është sportisti më i paguar në Zvicër: 120,000 paund (183’460 CHF) i fiton në javë,  ose 9.5 milionë franga zvicerane në vit – duke përfshirë edhe bonuset.

Krahas Henchoz-it, edhe legjenda gjermane, Stefan Effenberg dhe ish bashkëlojtari i Shaqirit, David Degen, kanë kritikuar Shaqirin dhe vëllain e tij, Erdinin, për zgjedhjen që kanë bërë.

Ndërkohë përfaqësuesja e Zvicrës sonte (e martë) do të zhvilloj ndeshjen e radhës kundër Anglisë për eliminatorët e kampionatit evropian që do të mbahet vitin tjetër në Francë.