Lista e Zvicrës për Kupën e Botës, ftohen Shaqiri, Xhaka e Jashari, por jo Andi Zeqiri

Përzgjedhësi i Zvicrës, Murat Yakin ka publikuar listën me 26 futbollistë për Kupën e Botës në Katar

Zvicra edhe zyrtarisht ka zgjedhur 26 futbollistë me të cilët do të paraqitet në Kupën e Botës në Katar, që fillon më 20 nëntor.

Në këtë listë ndodhen tre futbollistë shqiptarë, Xherdan Shaqiri e Granit Xhaka, ndërsa u ftua edhe talenti shqiptar, Ardon Jashari, duke i befasuar të gjithë, shkruan albinfo.ch.

Jashari është vetëm 20 vjet dhe luan në Luzern si mesfushor. Ai kishte vetëm një paraqitje me Natin më herët.

Murat Yakin ka vlerësuar se Jashari është një futbollist i talentuar dhe ka të ardhme të ndritur.

Është lënë anash futbollisti tjetër shqiptar, Andi Zeqiri.

Zvicra është në grup me Brazilin, Serbinë dhe Kamerunin.

---