Gjashtë shqiptarë të vdekur nga përplasja e trenave në Greqi

keystone (AP Photo/Vaggelis Kousioras)

Ministrja e Punëve të Jashtme të Shqipërisë ka njoftuar se tashmë numri i shqiptarëve që vdiqën si pasojë e përplasjes së trenave në Greqi ka arritur në gjashtë.

Olta Xhaçka ka bërë të ditur edhe emrat e viktimave: Klaudia Lato, Ifigjenia Micka, Erieta Molko, Ioanis Xhiollas, Denis Ruçi dhe Pavlin Bozo.

“Ngushëllimet më të sinqerta familjarëve të viktimave të aksidentit tragjik hekurudhor në Greqi. Kaq shumë jetë të prera në mes kaq papritur e në mënyrë kaq tragjike!”, ka shkruar Ministrja e Punëve të Jashtme të Shqipërisë.

Shqipëria sot është në ditë zie në nder të viktimave të aksidentit tragjik të një marsit në Larisa të Greqisë.

Deri tani autoritetet greke kanë konfirmuar 57 të vdekur nga aksidenti dhe qindra të lënduar.