Identifikohen viktimat e aksidentit të autobusit në Graubünden

Ato janë katër gra të moshës 71, 75, 79 dhe 80 vjeç, dhe një burrë 75-vjeçar, njoftuan autoritetet holandeze të shtunën

Pas aksidentit tragjik të autobusit midis lokaliteteve Susch dhe Zernez në kantonin Graubünden, të pesë viktimat janë identifikuar.

Ato janë katër gra të moshës 71, 75, 79 dhe 80 vjeç, dhe një burrë 75-vjeçar, njoftuan autoritetet holandeze të shtunën, transmeton albinfo.ch. Gratë ishin nga Rotterdam, Maastricht, Haarlem dhe provinca e Brabantit të Veriut, ndërsa burri ishte nga Groningen, shkruan sda.ch. Familjet e tyre janë njoftuar, vazhdoi deklarata.

Autobusi holandez po udhëtonte nga Zernez drejt Susch në Engadine të Poshtme të enjten kur doli nga rruga pranë Less dhe u përmbys, sipas një deklarate të policisë të lëshuar të premten.

Në bord kishte 45 të rritur. Pesë prej tyre vdiqën dhe 40 të tjerë pësuan lëndime nga të lehta deri në serioze.

Aksidenti shkaktoi një reagim emergjent në shkallë të gjerë, tha policia. Autoritetet tani po hetojnë se si ndodhi aksidenti. (sda/h)

(Foto: Kapo Graubünden)

---