Lajme
Bashkimi Evropian kundërshton që ligjet gjermane të jenë mbi ato të BE-së
Rasti është ngritur zyrtarisht kundër Gjermanisë, por Bashkimi Europian synon t’u dërgojë një mesazh të fortë edhe Hungarisë dhe Polonisë, që shpesh herë vënë në dyshim superioritetin e ligjeve të bllokut
Komisioni Evropian do të nisë një procedim ligjor ndaj Gjermanisë për të provuar se ligji i Bashkimit Europian është mbi legjislacionin kombëtar.
Vitin e kaluar Gjykata Kushtetuese e Gjermanisë vendosi se paketa stimuluese ekonomike e Bankës Qendrore Evropiane nuk ishte në përputhje me ligjin gjerman.
Ky vendim përbën një rrezik serioz për rendin ligjor të BE-së, thotë Komisioni, që tani i kërkon Gjermanisë të përgjigjet brenda dy muajve, transmeton Euronews, përcjell Albinfo.ch.
“Ajo për të cilën akuzohen gjykatat gjermane është se kanë vendosur ligjin gjerman mbi atë të BE-së dhe ky është problem thelbësor në të gjithë përbërjen e regjimit ligjor të Unionit, që bazohet te parimi se ligji europian ka përparësi para çdo ligji kombëtar”, u shpreh juristi Geert Van Calster.
Rasti është ngritur zyrtarisht kundër Gjermanisë, por Bashkimi Europian synon t’u dërgojë një mesazh të fortë edhe Hungarisë dhe Polonisë, që shpesh herë vënë në dyshim superioritetin e ligjeve të bllokut.
“Ky është një mesazh i qartë për Gjermaninë dhe ne e marrim seriozisht. Gjithashtu, mendojmë se mënyra se si gjykata gjermane e sheh marrëdhënien me ligjet e BE-së është problematike, por ky mesazh është edhe për vende të tjera anëtare, si Polonia dhe Hungaria. Ne po i ndjekim këto çështje jo vetëm ndaj shteteve anëtare që akuzohen për shkelje të sundimit të ligjit, por edhe ato ndaj anëtarëve më të vjetër që gjithashtu mund të jenë duke e shkelur atë”, shtoi Van Calster.
Komisioni Evropian ka nisur gjithashtu një tjetër procedurë për shkelje ndaj Hungarisë për mbylljen së fundmi të stacionit radiofonik vendas, KlubRadio.
Në këtë rast, Brukseli argumenton se Budapesti ka dështuar t’u përmbahet ligjeve të BE-së.
E-Diaspora
-
Mbi një mijë punëtorë shëndetësorë kosovarë u punësuan në Gjermani për nëntë muaj Raportohet se mbi 1 mijë punonjës shëndetësorë kosovarë janë punësuar në Gjermani vetëm për nëntë muaj...
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi
-
Shkolla Shqipe Ostermundigen në Bernë fillon përgatitjet për festën e abetares
-
Baleti Kombëtar i Kosovës, gati për shfaqjen e parë në Nju-Jork
-
Leonard Danglli, i emëruar në Dekanatin e Fakultetit të Arteve Liberale në Universitetin Yorkville në Toronto
Jeta në Austri
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi Revista Albinfo.at para pak kohësh ka shkruar për dy djemtë e dëshmorit të kombit, Abdullah Bugari,...
-
Prezantohet në Vjenë platforma “Made in Kosova“
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar