Treni del nga shinat dhe eksplodon

Të paktën dy persona humbën jetën dhe 14 të tjerë u plagosën

Një tren që transportonte kemikale, i nisur nga Gjermania në Holandë, doli nga shinat duke shpërthyer nga zjarri, në veri të Belgjikës.

Ngjarja ndodhi rreth orës 2 të mëngjesit të djeshëm mes qytetit Shelebele dhe Vetern. Të paktën dy persona humbën jetën dhe 14 të tjerë u plagosën.

Zjarri solli për pasojë shpërthimin e tre prej 12 vagonëve. Kjo detyroi autoritetet belge të shpërngulin të paktën 300 banorë, që ndodheshin pranë zonës ku ndodhi aksidenti.

Shkaqet e këtij aksidenti nuk janë mësuar ende, por raportohet se treni i mallrave po lëvizte me shpejtësi të lartë.

Autoritetet belge thanë se nuk ekziston ndonjë rrezik për shëndetin publik, pavarësisht se në njërin prej vagonëve kishte cianur.