Reshje rekorde shiu në Zvicër

Ajo çfarë ka përjetuar Shchaffhausen-i ndodh njëherë në 50 deri 100 vjet”, thotë klimatologu i MeteoSchweiz, Stephan Bader

Në mbrëmjen e të enjtes në Zvicër ka mbretëruar një mot i ligë që nuk mbahet mend për nga intensiteti i të reshurave. Sipas meteorologëve bëhet fjalë për një fenomen me përmasa “historike”, pasi që, sidomos në Zvicrën veriore dhe atë lindore nuk ka rënë prej rreth 50 vitesh shi në këtë sasi dhe intensitet.

Sipas MeteoSchweiz, në Shcafhaussen është matur reshja më e madhe brenda dhjetë minutash, që nga fillimi i matjes automatike në vitin 1981. Me fjalë të tjera, brenda dhjetë minutash në këtë qytet kanë rënë 32.8 litra shi  në një metër katror, që është sasia më e madhe nga viti 1981.

Ajo çfarë ka përjetuar Shchaffhausen-i ndodh njëherë në 50 deri 100 vjet”, thotë klimatologu i MeteoSchweiz, Stephan Bader.

Dëmet që ka pësuar qyteti brenda disa minutave janë të barabarta me ato që në kushte normale i pëson brenda një viti.

Një strehë kafshësh është shkatërruar e tëra dhe me këtë kanë ngordhur të gjitha kafshët e strehuara aty. Po ashtu raportohet për kafshë të tjera në shtëpitë private, që kanë pësuar nga niveli i lartë i ujit.

Sipas Meteonws,reshjet e djeshme rekorde, qytetin Schaffhausen e vendosin në vendin e dytë në listën qyteteve zvicerane që kanë përjetuar reshje më të mëdha. Rekordin e mban Locarno me reshjen prej 33.6 litrash në dhjetë minuta, që është shënuar në vitin 2003.