Në ankand kompjuteri i parë Apple I nga viti 1976

Në nëntor të vitit të kaluar një kompjuter i serisë së njëjtë ishte shitur për një shumë prej afër 500 mijë eurosh.

Shtëpia e ankandeve  nga Këlni, Gjermani do të hedhë në shitje më 25 maj kompjuterin e parë Apple I nga viti 1976, që është ende në gjendje të rregullt.

Jo më larg se në nëntor të vitit të kaluar, po kjo shtëpi ankandesh kishte shitur një kompjuter të serisë së njëjtë për një shumë prej afër 500 mijë eurosh.

Në ankandin e 25 majit do të vihen në shitje po ashtu edhe modelet e kompjuterëve si një Apple Lisa 1 nga viti 1983, një Scelbi-8H nga viti 1973 dhe një Altair 8800 që vjen nga viti 1974, shkruan portali gjerman giga.de