Shkel rregullat, shefit të policisë mund t`i merret patentshoferi

Blumer i ka shkelur tashmë disa herë rregullat në komunikacion. Shkelja e parë ka ndodhur para 24 vitesh, kur ai, për tejkalim të shpejtësisë ishte dënuar me dorëzimin e patentshopferit për një vit

Shefi i ardhshëm i policisë së qytetit të Cyrihut, Daniel Blumer është kapur kohë më parë nga radarët në Aargau. duke tejkaluar pa të drejtë, nga e djathta, me distancë të pamjaftueshme pjesëmarrësin tjetër në komunikacion. Kjo shkelje i ka kushtuar atij me në dënim me kusht prej 40 njësish ditore për dy vite dhe me gjobë prej 3500 frangash. Këtë dënim atij ia ka shqiptuar prokuroria e përgjithshme e Badenit, në kantonin Aargau, aty ku ka ndodhur vepra.

Një zëdhënës i policisë së Cyrihut ka konfirmuar shkrimin e gazetës “NZZ”, sipas të cilit dënimi i kryepolicit është i plotfuqishëm që nga 2 prilli.

Blumer, më 28 shkurt të këtij viti e kishte tejkaluar nga e djathta një kamion në autostradën A1 në kantonin Aargau. Për këtë shkelje ai e kishte informuar drejtpërdrejt shefin e tij, përgjegjësin e departamentit të policisë në Cyrih, Daniel Leupi. Ky i fundit e ka dënuar sjelljen e Blumerit në komunikacion por megjithatë i ka shprehur atij besimin për postin që do ta marrë këto ditë.

Por, shefi i dizajnuar 56 vjeçar i policisë së Cyrihut mund të mbetet pa patent shoferi, pasi që ai i ka shkelur tashmë disa herë rregullat në komunikacion. Shkelja e parë ka ndodhur para 24 vitesh, kur ai, për tejkalim të shpejtësisë ishte dënuar me dorëzimin e patentshopferit për një vit. Ndërsa para dy viteve Blumer ka vozitur me shoejtësi të madhe me ç`rast pati marrë vërejtje për tejkalimin e shpejtësisë.

Blumer e merr postin e shefit të policisë së qytetit të Cyrihut më 1 maj.