Në vitin 2050 shkalla e të vdekurve në trafik zbret në zero?!

Kur të mblidhen të gjithë shkaktarët dhe të merren masat kundër tyre, sipas planit tejet ambicioz të BE-së, në vitin 2050 shkalla e vdekshmërisë në komunikacion duhet të zbritet në zero.

Brenda vitit në Evropë humbin jetën rreth 30 mijë veta në aksidentet në komunikacion. rreth 3 mijë prej tyre vetëm në Gjermani.

Këto shifra janë tepër të larta për Bashkimin Evropian dhe për këtë arsye është duke u menduar për masat që duhen ndërmarrë deri në vitin 2050 për të reduktuar ato.

Në një kongres ndërkombëtar që ka mbajtur në Berlin Komisioni Evropian ekspertët përkatës kanë propozuar masat që, sipas tyre do të ulin numrin e të vdekurve në komunikacion në drejtim të zeros.

Masat drejtohen para së gjithash në faktorin njeri, gjegjësisht te pjesëmarrësit në komunikacion. Sepse, sjelljet njerëzore janë shkaktarët më të shpeshtë të fatkeqësive. Kështu, fjala vjen, rrezikshmëria është dukshëm më e madhe kur është në veprim alkooli ose droga. Te personat që kanë konsumuar drogë, rrezikshmëria për të shkaktuar aksident vdekjeprurës është 25 herë më e lartë se te ata që nuk kanë konsumuar. Ndërsa personat që kanë konsumuar drogë dhe alkool në të njëjtën kohë, janë për 35 herë më shumë të rrezikuar nga aksidenteti, shkruan focus.de

Tejkalimi i shpejtësisë është faktori tjetër që shton rrezikshmërinë në komunikacion. Rreth 50 për qind të shoferëve ngasin veturat më shpejtë se që lejohet. Për këtë arsye, duhet bërë shpeshtimi shumë më i madh i masave të kontrollimit të shpejtësisë në krtahasim me atë që praktikohet aktualisht. „Vetëm ata që dënohen, e disiplinojnë veten për të mos ngarë shpejt“, thonë ekspertët.

Kur të mblidhen të gjithë shkaktarët e përmendur dhe të merren masat kundër tyre, sipas planit tejet ambicioz të BE-së, në vitin 2050 shkalla e vdekshmërisë në komunikacion duhet të zbritet në zero.