Ekonomi
Gjermania “varet” nga veturat
Produkti i Brendshëm Bruto i ekonomisë më të madhe të Evropës ra me 0.2% në tremujorin e tretë krahasuar me të dytin, sipas zyrës Federale të Statistikave
Ekonomia gjermane është tkurrur gjatë tremujorit të tretë për herë të parë që prej vitit 2015, ndërkohë që tensionet globale të tregtisë dhe problemi vendas në industrinë e veturave kanë frenuar nxitësin tradicional të ekonomisë që është tregtia neto.
Produkti i Brendshëm Bruto i ekonomisë më të madhe të Evropës ra me 0.2% në tremujorin e tretë krahasuar me të dytin, sipas zyrës Federale të Statistikave.
Megjithatë, Ministria e Ekonomisë së Gjermanisë deklaroi se rimëkëmbja do të vazhdojë në tremujorin e katërt, duke shtuar se rënia në periudhën korrik-shtator ka ardhur prej prezantimit të standardeve të reja të ndotjes (WLTP) për veturat, transmeton ‘Scan’.
“Një tkurrje me 0.2% nuk është një katastrofë”, tha ministri i Ekonomisë, Peter Altmaier. Me bazë vjetore, ekonomia u rrit me 1.1% në tremujorin e tretë, poshtë projeksioneve për 1.3% rritje, përcjell albinfo.ch.
Zyra e Statistikave deklaroi se rënia e PBB-së krahasuar me tremujorin e dytë erdhi kryesisht nga tregtia e jashtme, ndërkohë që eksportet kanë rënë dhe importet janë rritur. Tkurrja në tremujorin e tretë ishte e para që prej fillimit të 2015-ës për ekonominë gjermane.
Qeveria kishte paralajmëruar për një performancë të dobët, duke përmendur problemet në sektorin e veturave që erdhën prej rregullave të reja.
Ministria e Ekonomisë bëri të ditur se problemet nga rregullat e reja të ndotjes për veturat i kanë hequr ekonomisë gjermane 0.4%. Investitorët janë shqetësuar për ekonominë gjermane, që ndodhet në rritje për 9 vjet radhazi, prej tensioneve tregtare dhe daljes së Britanisë nga Bashkimi Evropian.
Përveç pasigurisë nga politikat tregtare të Donald Trump, firmat shqetësohen edhe nga destabiliteti në vend, ku koalicioni i Angela Merkel ka qenë 2 herë pranë kolapsit.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj