Pas sulmit në tru, gjermania flet vetëm në dialektin zviceran!

Sëmundja ka dhe emrin e vet ”Sindroma e aksentit të gjuhës së huaj”. Në gjithë botën njihen rreth 60 raste me këtë sindromë

Ndodh edhe kjo: Një grua nga pjesa lindore e Gjermanisë, që kurrë në jetën e saj nuk ka qenë në Zvicër dhe as nuk ka pasur të bëjë me Zvicrën, që nga goditja në tru ka nisur papritur të fasë në dialektin zviceran (schwiizerdütsch).

Sipas mjekëve, bëhet fjalë për një dukuri tepër të çuditshme neurologjike që shfaqet shumë rrallë në gjithë botën. Sëmundja ka dhe emrin e vet ”Sindroma e aksentit të gjuhës së huaj”. Në gjithë botën njihen rreth 60 raste me këtë sindromë.

Gruaja gjermane i ka treguar një gazetari se ajo, pas sulmit të lehtë që ka pësuar në tru, fillimisht ka mundur vetëm të belbëzonte. Për këtë arsye kishte kërkuar ndihmën e një logopedi dhenë fund e kishin shtruar në spital. Pas natës së parë ajo kishte filluar të fliste ekskluzivisht në një dialekt të panjohur për të tjerët, për çfarë mjekët e drejtuan te psikologu.

Fillimisht të gjithë mendonin se ajo vetëm po dëshiron të vejë në lojë rrethin e saj për tu dukur më interesante. Madje edhe mjekja e shtëpisë duke dyshuar për të njëjtën gjë, ia ka tërhequr vërejtjen që më në fund sërish “të fillojë të flasë ashtu si duhet”, shkruan insuedthuringen.de. Por, vetëm kur pacientja ka dëshmuar në vazhdimësi se me gjithë përpjekjet nuk është në gjendje të flasë normalisht, ka angazhuar një psikoterapeut që ta mësojë sërish gjuhën që ajo e ka folur gjithë jetën.