Liga e Kampionëve, me përfitime marramendëse

Në këtë garë merr pjesë edhe kampioni i Zvicrës, Young Boys, që ndodhet në grup me Manchester Unitedin, Juventusin dhe Valencian

Sot nis edhe faza e grupeve Ligën e Kampionëve, që është gara më prestigjioze për klube në Evropë, ku do të marrë pjesë edhe kampionia e Zvicrës, Young Boys.

Shtëpia e futbollit evropian, UEFA, ka bërë publike edhe përfitimet e majme për klubet që do të marrin pjesë në këtë sezon, përcjell albinfo.ch.

Kështu, çdo skuadër që është tashmë pjesë e Ligës së Kampionëve do të përfitojë 15.25 milionë euro, ndërkohë që për çdo fitore në fazën e grupeve, do të shpërblehet me 2.7 milionë euro, e për barazim 900 mijë euro.

Klubet që do të marrin të gjitha fitore do të arrijnë shifrën e 16.2 milionë eurove vetëm në këtë fazë.

Ndërkohë, për fazën pas grupeve, çdo klub do të marrë:

9.5 milionë euro për kualifikimin në 1/8 e finales

10.5 milionë euro për kualifikimin në çerekfinale

12 milionë euro për kualifikimin në gjysmëfinale

15 milionë euro për kualifikimin në finale

4 milionë euro shtesë për triumfin në finale

---