Ekonomia e Eurozonës rritet me 0.4 për qind

Ekonomia në Eurozonë ka shënuar rritje të fortë në tremujorin e dytë.

Produkti I Brendshëm Bruto (PBB) u rrit nga prilli deri në qershor 0.4 për qind në krahasim me tremujorin e mëparshëm, siç njoftoi zyra e statistikave të Eurostat.

Megjithatë, ekonomia më e madhe në botë, e SHBA-së, është rritur kohët e fundit më shumë se dy herë më shpejt: ajo u rrit 1.0 për qind në pranverë, përcjell albinfo.ch.

Gjermania, me shitjet ka shënuar rritje mbi mesataren prej 0.5 për qind në Evropë. Rritja e fortë arriti edhe në vendet e vogla, si Malta me 1.9 për qind dhe Estonia me 1.4 për qind. Megjithatë, Franca kishte vetëm një rritje prej 0.2 për qind, ashtu si Italia.