Yjet shqiptarë përballë pesë herë kampionëve të botës

Sipas faqes zyrtare të FIFA-s, për Zvicrën nga fillimi do të jenë katër futbollistët shqiptarë, Xherdan Shaqiri, Granit Xhaka, Valon Behrami dhe Blerim Xhemaili

Keystone

Super ndeshja ndërmjet Brazilit dhe Zvicrës do të zhvillohet sonte nga ora 20:00. Pesë herë kampionët e botës janë favoritë për këtë ndeshje, por Nati nuk dorëzohet dhe kërkon të fillojë me fitore këtë Botëror, shkruan albinfo.ch.

Brazili ka fituar më së shumti Kupën e Botës, derisa është e vetmja Kombëtare që ka marrë pjesë në çdo Kampionat Botëror.

Sipas faqes zyrtare të FIFA-s, për Zvicrën nga fillimi do të jenë katër futbollistët shqiptarë, Xherdan Shaqiri, Granit Xhaka, Valon Behrami dhe Blerim Xhemaili.

Ndeshja e parë sot do të jetë ndërmjet Kosta Rikës dhe Serbisë nga ora 14:00, gjithashtu në kuadër të Grupit E, kurse Gjermania përballet me Meksikën nga ora 17:00.

Formacionet e mundshme

Brazili: Alisson; Danilo, Thiago Silva, Miranda, Marcelo; Casemiro, Paulinho, Philippe Coutinho; Willian, Gabriel Jesus, Neymar.

Zvicra: Sommer; Lichtsteiner, Schaer, Akanji, Rodriguez; Behrami, Xhaka; Shaqiri, Xhemaili, Zuber; Seferoviq.