Ngadalësohet zhvillimi ekonomik në Shqipëri

Sipas BERZH-it, nuk është vetëm kriza globale që ka ndikuar në ngadalësimin e zhvillimit ekonomik në Shqipëri, por janë kryesisht disa shkaqe të brendshme

Banka Evropiane për Rindërtim e Zhvillim (BERZH) ka bërë një studim për ecurinë dhe zhvillimin ekonomik të vendeve të Evropës Juglinore, ndërkaq ka vërejtur një rritjes ekonomike në Shqipëri. Sipas BERZH, ky ngadalësim i zhvillimit, nuk lidhet me krizën ekonomike të fqinje, Italisë dhe Greqisë.Sipas ekspertëve të BERZH-it, nuk është vetëm faktori i krizës globale dhe veçanërisht dy fqinjëve kryesorë të Shqipërisë, por ka dhe një sërë arsyesh që lidhen drejtpërdrejtë nga shkaqe të brendshme. “Më kryesoret janë niveli i lartë i borxhit publik në raport me produktin e brendshëm bruto, si dhe rritja e numrit të të ashtuquajturave “kredi të këqija” në bankat e nivelit të dytë”, thuhet në raporton e BERZH-it, transmeton DW. Duke iu referuar nivelit të borxhit publik, BERZH e përshkruan atë si në kuotën prej 60 për qind të produktit të brendshëm bruto, që kufizon hapësirën për autoritetet për të realizuar manovra fiskale. Sipas ekspertëve të kësaj banke, ky ngadalësim mund të shihet si një goditje tjetër për ekonominë shqiptare, aktualisht më e varfra në rajon sa i takon nivelit të të ardhura për kokë banori.